Ivanka Trump nuk do të jetë në krye të Bankës Botërore

WASHINGTON, DC - FEBRUARY 28: Ivanka Trump (C) and White House Senior Advisor to the President for Strategic Planning Jared Kushner (R) look on as U.S. President Donald Trump addresses a joint session of the U.S. Congress on February 28, 2017 in the House chamber of the U.S. Capitol in Washington, DC. Trump's first address to Congress focused on national security, tax and regulatory reform, the economy, and healthcare. (Photo by Alex Wong/Getty Images)

12:50 | 15 Janar 2019
A. B.

Ivanka Trump, vajza e presidentit të SHBA Donald Trump dhe këshilltarja e tij, nuk do të jetë kandidate e SHBA për kreun e Bankës Botërore.

Ajo, megjithatë, do të ndihmojë në përzgjedhjen e kandidatëve amerikanë, njoftoi Shtëpia e Bardhë, transmeton Bloomberg.

Presidenti i Bankës Botërore, Jim Yong Kim papritur javën e kaluar njoftoi se heq dorë nga kjo pozitë, më shumë se tre vjet para përfundimit të mandatit.

“Sekretari amerikan i Thesarit Steven Menuchin ka kërkuar nga Ivanka Trump për të ndihmuar në procesin e zgjedhjeve të SHBA, e cila në dy vjetët e fundit ka punuar ngushtë me udhëheqjen e Bankës Botërore”, ka thënë Jessica Dito, zëvendësdrejtoreshë e komunikimit në Shtëpinë e Bardhë.

Dito theksoi se informacioni rreth konsideratës së Ivanka si kandidate ishte i pasaktë.

Komiteti i Bankës Botërore njoftoi të enjten se do të fillojë të marrë nominimet për një udhëheqës të ri muajin e ardhshëm dhe se do të emërojë një zëvendësim për Kim deri në mes të prillit.